Dette unike hotellet har ikkje hatt ein gjest på fem år – no skal det gjenoppstå

­Fem år har gått sidan siste gjest sjekka ut. Sidan har turistar møtt ei låst dør og ein byggeplass.

Gammalt og øydelagt tregolv, stolar og boss ligg rundt omkring på tomta når vi skriv juli 2023. Hotellet har vore under renovering sidan 2018 og lokalbefolkning og tilreisande har lurt på om det ville bli sluttført, skriver NRK.

Eigaren, Ola Moe vil ha hotellet tilbake til slik det var då det vart opna i 1891.

– Tid er investering i kvaliteten i det autentiske, seier han.

Moe lovar at hotellet skal vere ferdig til nyopning sommaren 2025, men han har eit problem. Prosjektet manglar budsjett.

Klatre-pionerar og tysk keisar

Historia om Hotel Mundal går parallelt med utviklinga av klatreturisme, brevandring og det som i dag blir kalla topptur-turisme.

Utover 1800-talet blei Fjærland eit yngda mål for rike utanlandske eventyrarar.

Lokalisert ved fjorden, med kort veg til fjella og breen, let kunstnarar, overklasse og turistar seg lokke til Mundal. Klatrarar som William Cecil Slingsby, som ville vere først på fjelltoppane i Jotunheimen, brukte hotellet som base.

Området var attraktivt også for tyske keisar Wilhelm II og adelege frå heile verda.

Det er denne tidsepoken Ola Moe vil hente fram under lag av gamle tapet.

Har så langt brukt 35 millionar

I 2016 søkte Moe om å få rive Hotel Mundal i protest mot auka eigedomsskatt.

Slik gjekk det ikkje. I staden har handverkarar rykka inn for å berge bygget.

Investoren vedgår at det hadde vore raskare og billegare om han ikkje stilte så strenge krav til autentisitet. Det blir mellom anna gjennomført ei heilt ny rominndeling og fleire av golva får anna høgde.

Han ville truleg fått meir igjen om han sette pengane i banken.

– Men det er meir spanande å bruke pengane på dette, seier Moe.

Støtte frå tidlegare riksantikvar

Jørn Holme er styreleiar i stiftinga Norsk kulturarv og tidlegare riksantikvar. Han viser til at det er svært krevjande å renovere hotellet.

– Det er formidabelt at Moe er så uthaldande. Mange ville gitt opp undervegs, seier han.

Holme peikar på at Hotel Mundal er eit av dei mest unike trehotella i landet.

– Vi har få hotell som har så store verneverdiar både innvendig ut utvendig frå den gylne tida med trehotell som Hotel Mundal, seier han